Ewyn y don a’r awyr – gweithdy celf (Gorffennaf)

Mae’r cwrs hwn yn addas i bawb sy’n frwd dros gelf a natur, o ddechreuwyr i unigolion mwy profiadol. Byddwn yn ceisio archwilio Ynys Echni drwy edrych i lawr arni – a chanolbwyntio ar yr awyr a’r dŵr. Ar y diwrnod cyntaf, byddwn yn cofnodi’r newidiadau y mae’r golau, yr amser o’r dydd ac amodau’r tywydd yn eu cael ar y dirwedd o ran lliw, ffurf a thrawiadau’r brwsh.

Byddwn yn dechrau creu dyfrlliwiau argraffiadol y tu allan, gan archwilio posibiliadau halen, gwrthyddion a  a thechnegau gwasgaru gyda thiwtor profiadol. Mae’r gweithdy’n gobeithio dal rhai o’r newidiadau atmosfferig ar Ynys Echni, yn amrywio o lonyddwch llachar gyda chyfuchliniau miniog a lliwiau anniffiniol y ddaear, i fachlud haul trawiadol a thonnau dramatig.

Ar ein hail ddiwrnod, byddwn yn dechrau ffurfioli ein gwaith arsylwadol ar bapur, gan astudio’n agosach  nodweddion neu ddeunyddiau a ddarganfuwyd ar yr ynys. O’n brasluniau cychwynnol a’n harsylwadau agosach, byddwn yn dewis persbectif neu gynllun lliw yr hoffem ei archwilio mewn cyfrwng arall.  Yn ystod ail ran a rhan olaf y gweithdy, byddwn yn trosglwyddo ein gwaith i ddyluniad sy’n gwrthsefyll cwyr ar bapur neu fel sgarff cotwm neu sidan neu ddefnydd i’w hongian.

Mae ein prisiau’n cynnwys:

• Trafnidiaeth cwch dwyffordd, darparwyd gan Bay Island Voyages: Homepage – Bay Island Voyages.
• Llety
• Hyfforddiant / gweithgareddau a gynhelir gan diwtoriaid profiadol neu ein staff ar yr ynys.

Mae unrhyw incwm dros ben yn mynd yn ôl i gynnal treftadaeth naturiol ac adeiledig yr ynys.